txindoki 1342m

apirilak 26

Txindoki Aralar mendizerrako gailur ezagun eta gehien igotzen dena da dudarik gabe, eta seguruen baita

Gipuzkoa osoan ere bai. Eta halaber, Euskal Herri osoan ezagunenetarikoa da, izatez, eta gehiegi bada ere,

Aralarko Cervino bezala ezagutzen da. Bere izen hedatuena Txindoki den arren, Larrunarri da haren izen

zuzena eta Txindoki, gaur egun erdi erorita dagoen eta gailurretik ekialdera dagoen etxola baten izena da.

Txindokiren inguruan hainbat esate, ipuin eta kondaira existitzen dira, eta Eukal Herriko beste gailur

esanguratsunetan bezala, hemen izan omen zuen Marik bere gotorlekuetako beste bat. Argi dago beraz

Txindokik inguratzen dituen lurraldeetako biztalerian izan duen eragin eta inspirazioa. Bai ikuspuntu erlijioso

batetik zein egunerokotasunarekiko erlazionatua.

Irteera honetan haren inguruko ibilbide zirkular bat osatuko dugu. Horretarako eta bide arruntatik urrunduta,

iparraldeko isurialdeko bidetik igoko gara. Bide malkartsu eta estua da, baina benetan ikusgarria, batez ere

goiz partean lehenengo eguzki izpien artean. Ibilbidea osatuz hegoaldeko isurialdeko bidetik azkar

bueltatuko gara Larraitzera.

Ordutegia: 5:30 ordu

Luzera: 10 km.

Desnibel positiboa: 1050 m.

Zailtasun fisikoa: altua.

Zailtasun teknikoa: tartekoa/altua.

Ibilbide mota: irteera eta amaiera puntu berdinean duen ibilbide zirkularra.

Partaideak: 70 inguru